Shtetet e Bashkuara të Amerikës kanë rënë dakord të lirojnë fondet e ngrira iraniane që mbahen në Katar dhe në banka të tjera të huaja.
Këtë e raportoi “Reuters”, duke u thirrur në një burim të lartë iranian.
Burimi, i cili nuk deshi të identifikohej për shkak të ndjeshmërisë së çështjes, e ka përshëndetur këtë hap si shenjë të “seriozitetit” në arritjen e një marrëveshjeje me SHBA-të në bisedimet në Islamabad.
Sipas “Reuters”, Shtetet e Bashkuara ende nuk kanë dhënë ndonjë koment publik për këtë çështje.
Thuhet se lirimi i fondeve është “i lidhur drejtpërdrejt me sigurimin e kalimit të sigurt përmes Ngushticës së Hormuzit”.
Bisedimet në Islamabad kanë filluar sot, ndërsa delegacionet e të dy vendeve kanë mbërritur herët në mëngjes.
Pritet që Ngushtica e Hormuzit të jetë një nga çështjet kryesore në negociatat mes SHBA-së dhe Iranit.
Be First to Comment