Deklaratë bombë e Trumpit: Do të “largohemi” nga Irani – çfarë pritet të ndodhë?

Pak orë më parë, presidenti amerikan Donald Trump përcolli porosi nga Shtëpia e Bardhë lidhur me luftën në Iran.

Ai u tha gazetarëve se SHBA-të “do të largohen [nga Irani] shumë shpejt” dhe veprimi ushtarak i SHBA-së mund të përfundojë brenda “dy ose tre javësh”.

Presidenti Amerikan theksoi se SHBA-të kanë arritur qëllimet e vendosura para se të fillonin sulmet ajrore kundër Iranit në fund të muajit të kaluar në bashkëpunim me Izraelin. Ai thotë se qëllimi kryesor i kufizimit të aftësisë së Iranit për të pasur një armë bërthamore është arritur dhe SHBA-të tani po “përfundojnë punën”.

Trump thotë se SHBA-të tani dominojnë qiellin iranian dhe gjithashtu kanë arritur ndryshimin e regjimit pas vrasjeve të shumë udhëheqësve të lartë politikë dhe ushtarakë. Ai i përshkroi udhëheqësit e rinj në Teheran si “shumë më pak të radikalizuar” dhe “më racionalë” krahasuar me paraardhësit e tyre.

Trump gjithashtu thotë se udhëheqësit iranianë po “luten të bëjnë një marrëveshje” me SHBA-në për t’i dhënë fund luftës, gjë që më parë është mohuar nga Irani.

Ai shton se lufta mund të përfundojë pa një marrëveshje të ndërmjetësuar midis të dyja palëve.

Lidhur me ndikimin e luftës në rritjen e çmimeve të karburantit, presidenti thotë se ato do të ulen sapo SHBA-të të përfundojnë veprimet e tyre ushtarake.