Një skandal i ri ka shpërthyer në Mal të Zi, pasi në rrjetet sociale kanë filluar të qarkullojnë video komprometuese të një ish-funksionareje të lartë shtetërore. Çështja tashmë ka përfunduar edhe në polici. 
Ish-zyrtarja ka paraqitur kallëzim në policinë e Podgoricës, pasi materialet eksplicite që lidhen me të janë shpërndarë publikisht në internet dhe në rrjete sociale. 
Sipas mediave, rasti është më serioz sesa një skandal i zakonshëm personal. Dyshohet se ajo ka qenë në një lidhje emocionale me një person që aktualisht dyshohet për një vrasje të dyfishtë brutale. 
Policia po heton se si kanë dalë në publik këto video dhe nëse ato janë përdorur për shantazh ose për diskreditim politik. 
Edhe pse identiteti i ish-funksionares thuhet se është i njohur për publikun në Mal të Zi, institucionet përpiqen ta mbrojnë atë derisa hetimet janë ende në zhvillim.
Be First to Comment