Xheneta Fetahu, ish-banorja e njohur e Big Brother VIP Kosova, ka surprizuar ndjekësit me një njoftim të papritur: ajo është larguar zyrtarisht nga Top Channel. Lajmi, i bërë publik përmes një postimi në Instagram, ka shkaktuar reagime të shumta dhe ka hapur diskutime për të ardhmen e saj profesionale.
Në mesazhin e saj, Xheneta shprehu mirënjohje të thellë për eksperiencën që kishte përjetuar në këtë televizion, duke theksuar se tashmë ka mbyllur këtë kapitull dhe është gati të nisë projekte të reja.
“Faleminderit për hapësirën dhe përvojën,” shkroi ajo, duke nënvizuar se ka pasur mundësinë të shprehej lirshëm gjatë kohës që ishte pjesë e Top Channel. Ajo falënderoi veçanërisht Ed Manushin për mbështetjen dhe besimin që i është dhënë.
Xheneta e përshkroi largimin jo si një fund, por si një fillim të ri, të mbushur me energji dhe optimizëm.
“Tash përpara me energji të re çdo fund është fillim i diçkaje edhe më të madhe,” theksoi ajo, duke i lënë të hapura dyert për projekte të reja në të ardhmen.
Ky vendim erdhi si surprizë për shumë fansa, sidomos duke marrë parasysh rolin e saj në programe të njohura si “E Diell”. Publiku tashmë po pret me kureshtje hapin e radhës në karrierën e Xhenetës, e cila duket e vendosur të sjellë risi në skenën mediatike.
Me këtë lëvizje, Xheneta Fetahu nis një kapitull të ri
dhe sytë e publikut janë të gjithë nga ajo.