Rep artistja e njohur Melinda Ademi ka vendosur të reagojë hapur ndaj kritikave dhe komenteve që ka marrë lidhur me pamjen e saj fizike.
Në një periudhë ku standardet e bukurisë vazhdojnë të diskutohen e të sfidohen, Melinda ka zgjedhur të sqarojë publikun duke theksuar se format e saj janë natyrale.
Ajo publikoi një video nga palestra, ku shfaqet duke ushtruar dhe duke treguar përkushtimin e saj ndaj një jetese të shëndetshme. Në mbishkrimin e videos, artistja ka theksuar:
“Të pasmet i kam natyrale, jo të bëra.”
Sipas saj, çdo ndryshim apo formësim është rezultat i punës së vazhdueshme në palestër.
Reagimi i saj vjen pas një periudhe të gjatë komentesh dhe spekulimesh nga ndjekës të ndryshëm, të cilët kanë vënë në dyshim natyrshmërinë e formave të saj. Melinda ka vendosur t’u japë fund thashethemeve duke folur troç dhe duke treguar se ndihet krenare për trupin e saj.
Artistja gjithashtu ka nënvizuar rëndësinë e vetëbesimit dhe pranimit të vetes, duke i inkurajuar fansat që të përqendrohen te një stil jetese i shëndetshëm dhe të mos ndikohen nga kritikat negative. Ajo ka theksuar se secili duhet të ndihet mirë në lëkurën e vet.
Videoja e saj është pritur me shumë reagime pozitive, duke treguar se një pjesë e madhe e ndjekësve e mbështesin dhe e admirrojnë për sinqeritetin dhe transparencën.
Me këtë qëndrim të hapur dhe të fortë, Melinda jo vetëm që ka sqaruar zërat rreth pamjes së saj, por ka dhënë edhe një mesazh të fuqishëm motivues për të rinjtë 
një thirrje për vetëbesim, punë të palodhur dhe pranimin e trupit ashtu siç është.
Artistja vazhdon të shërbejë si frymëzim për shumë njerëz, duke forcuar imazhin e saj si simbol i forcës, autenticitetit dhe vetëbesimit në industrinë e muzikës.